大富蠔音樂餐廳🥢換上新餐牌，打造成日式燒鳥居酒屋🍶，同步保留音樂靈魂🎵，Live Show 逢星期六不固定演出。
優惠💰亦夠重手🎁：
1. 蠔Ho三黃雞🐔套餐原價$798/位，65折優惠價$519/位💰。
2. 惠顧蠔Ho三黃雞🐓套餐可以$10/隻加日本生蠔🦪，並可半價💰追加350g+珍寶蠔。
3. Sake🍶 Free Flow每日4款，2小時⏰男$228💰／女$168。
4. 逢星期二、四Lady Night👩女士免費🆓兩小時Sake🍶 Free Flow。
5. 星期五TGIF🎉，Sake🍶 Free Flow升級至3小時。
1
今次我哋就揀咗每日新鮮🌱製作限量發售嘅「本地🇭🇰三黃雞串燒 Omakase 蠔Ho 套餐🥢」。
前菜🥗廚師發辦，今日係京蔥吞拿魚🐟腩蓉鍋巴，吞拿魚腩蓉油脂好甘香，配上🍚香脆鍋巴，十分開胃😋。
餐外另加菜式🌾稻稈草煙熏鰹魚🐟，煙香💨滲入魚肉，口感結實鮮味🤤。
我哋再以半價💰優惠加珍寶蠔🦪（清酒焗、黑松露忌廉焗、辣酒汁燒），勁大隻👍肉質紮實鮮甜味濃，三種做法各有特色✨。
雞皮🐔仙貝幾特別，薄脆香口🔥、脂香不膩，係送酒🍶好拍檔。
主角三黃雞🐓串燒10串廚師發辦，雞腎爽嫩、雞胸軟骨Q彈、雞翼皮脆肉嫩、雞橫膈膜油香有咬口、🥰里肌八成熟配Wasabi清甜帶微辛、雞皮焦香、雞尾😍鬆化甘香、雞腸爽脆味濃、雞軟骨爽脆彈牙、🐔雞翼尖又香又脆，火候控制得宜，好好味😋。
蔬菜🥦串燒3串（蘆筍、翠玉瓜、秋葵）清新🌿解膩，燒得🔥保留到水份同甜味。
一品料理🍲今日係辣酒煮大花螺，酒香🍶帶微辣，螺大大隻🐚肉質彈牙夠鮮味。
主食原配8小時慢煮⏲️淡麗鮮雞湯稻庭烏冬，今次我哋食豪啲，加$198（每2位）升級做火焰花雕鮮雞油蟹粉伴🍜稻庭烏冬，職員會喺席前點火🔥，十分吸睛👀，花雕酒香經火焰釋放更馥郁，🦀蟹粉甘香黏口，仲加咗雞油🐓提鮮，醬香掛麵超滿足👏。
