渾喆 (Closed)

之前同事路過見到呢度嘅黑糖珍珠鮮奶做promote，$18就飲到，而且非常高質素，勁好飲，今日特登嚟幫襯😬嚟之前上網八下除咗珍珠鮮奶，網友仲有咩推介～～發現渾喆係一間新開主攻「鮮果」茶飲嘅本地小店，只用新鮮水果，啱哂我！嚟到就係菠蘿同芒果之間爭紥，最後揀咗飲「原個芒果茉莉綠茶（大杯）」。第一啖，一吸好多芒果肉入口！第二啖，飲到底部嘅茉莉綠茶，果浸綠茶底好正，茶味清新，同芒果原來咁夾！再飲，攪勻哂成杯茶，發現成杯芒果茶內混和大量芒果茸，所以它唔係水水的，類似帶點杰嘅芒果汁，好正！睇下呢大塊芒果肉🥭，真係用鮮果整，Like。家下周街都係d過江龍茶飲店，呢度嘅茶飲用靚料，鮮果+鮮茶底+鮮奶，整得堅好飲，又唔貴，支持下香港人，加油！