岸久巿場 (Closed)

近排壓力大，又去咗同屋企人食海鮮。細芝麻醬椰菜，椰菜甘甜，每次食沙律都覺得好好食。佢有活動，讚好就有原板海膽，海膽偏黏口，成板上超大方。金目鯛刺身，超大條又工整，入口鮮甜，厚切。食完刺身嘅魚身可以做湯或者炸嚟食，我哋就揀咗炸物，骨頭炸到脆卜卜，好好食。清酒昆布煮花螺，成個湯都好香，一大盤花螺放入去煮，新鮮得嚟肉質結實，彈牙。二人浜燒盛合，有象拔蚌仔、黃貝、生蠔同魷魚，一樣都係新鮮美味，燒煮嘅湯揉合埋海鮮嘅甜味。嗌咗柚子酒，配浜燒又係一流。最後係柚子雪芭，清甜加上爽朗嘅口感，作為結尾一流。