✎ 螺肉青瓜
餐廳送嘅小食。青瓜爽脆可口，鮮甜無比，搭配彈牙嘅螺肉，口感豐富，唔會過鹹，好味～
✎ 古法沙爹鍋湯底
沙爹味香濃四溢，帶有淡淡甜味，食落幾開胃嘅湯底。唔似坊間有啲沙爹湯口感咁油膩！
✎ 手切鮮肥牛
嫩滑無比，油花分佈均勻，入口即化，牛肉嘅鮮香味喺口中迴盪，配上沙爹湯底，好惹味 ♡
✎ 貴花蚌
入口質感爽口滑溜，海水味勁濃！
✎ 美國桶蠔
有四隻蠔，口感鮮味滑嫩，濃郁嘅海水味～( ˘ ³˘)♥
✎ 手打芝士墨魚丸
外皮厚實，亦彈性十足，完全冇偷工減料，手工果然係手工～
✎ 青檸梳打
青檸味十足，酸酸地，又夠冰涼！
