和味生滾粥 (Closed)

呢間一向都係我既pocket list，食左好多年，第一次黎食應該10年前大約2006年，覺得魚粥驚為天人！用既係鮮魚腩，先煎香再放落煲逐碗生滾，成碗粥好足料好鮮甜！😋咁多年水準依舊～蜆蚧鯪魚球夠曬大粒飽滿，好真材實料，裡面有陳皮香，點埋蜆蚧醬充滿鹹香，正👍🏻薑蔥蒸田雞：夠大碟，新鮮多肉，肉質結實，好似屋企整咁薑蔥爆魚雲：好惹味，薑蔥爆得好香，有少少油，不過鑊氣搭夠，薑蓉痴住每件魚雲，男朋友就唔係咁鐘意啲薑蓉。2個人食咁多野飽到痴線！最首選都係魚腩粥同鯪魚球！