
1
醬料:先DIY整返個最啱自己口味嘅醬料黎點野食👍🏻

蟹籽墨魚油炸鬼:叫左份餐前小食,咁就唔駛餓住等😁油炸鬼裡面釀墨魚滑再炸,再加左蟹籽喺上面,食落唔油膩,再點埋個甜酸醬黎食,酸酸甜甜幾香口,作為小食一流😋





魚湯海鮮鍋:呢個海鮮鍋用料十足,認真豐富🥰湯底用蟹、海蝦、扇貝、蜆、花甲、木耳、紅蘿蔔、什菇等材料熬製而成,飲落夠鮮甜啖啖海鮮味,絕對唔係落味精溝出黎🥰以呢個價錢個湯底仲有咁多海鮮料可以食,非常超值👍🏻


手打鮮蝦丸:呢到D丸新鮮手打,食落去爽口彈牙,而且D丸打得個大細合適,方便一口一粒😋
鮮蝦雲吞:雲吞皮薄餡靚,豬肉同蝦肉都好新鮮,食落唔會話好似放左好耐霉晒咁😁

豬粉腸:份量都唔少,食落去有豬粉腸D粉甜味,而唔係有陣苦味,處理得唔錯👍🏻咬落亦好有口感


娃娃菜:娃娃菜本身都甜,今次仲要吸收晒海鮮湯D精華,食落去甜上加甜😍
白蘿蔔:切片厚薄適中,一開始已經加左落去個湯底到,煮到夠耐先再夾起黎食,咁就夠晒淋,清甜無渣,兼且索晒鮮甜海鮮湯味😍


讚崎烏冬:食到尾聲再碌埋個烏冬食,口感煙韌彈牙,飲埋個精華海鮮湯作圓滿完結🥰
而家LIKE左社交平台仲有88折優惠,折實後埋單$523,可以食到咁鮮甜嘅海鮮火鍋,都幾正👍🏻

1



1
補MENU