Colleague Music Restaurant

打邊爐無分季節，雖然當日天氣好熱，但都無阻我要打邊爐嘅決心！因為個日係荃灣附近，所以就試吓呢一間音樂主題餐廳。

呢度出名嘅椰子雞，所以諗都無諗就揀咗呢一個椰子雞鍋做湯底。店員會幫忙煮嗰啲雞，用漏斗計時，全部都係佢哋幫手打開蓋就食得。

雞就可圈可點啦，但因為有計住時間，所以雞肉唔會煮得太鞋。而個椰子湯底好鮮甜忍唔住飲多幾啖！（提提大家趁再加水之前，都要飲多幾啖呀）

1

椰子雞鍋

$198

牛肉都OK，我哋點咗個平嘅，想要好啲嘅話，可以試吓點貴啲嗰個。

肥牛

$128

油麥菜冇乜特別，但提醒大家要小心菜蟲

油麥菜

$38

龍躉起片，啱啱送來嗰陣，魚尾仲郁下郁下咁，非常之新鮮。龍躉其實都幾啱打邊爐，因為煮耐咗都唔會散開晒。條魚好大條，起咗好多片魚肉，食完啲魚肉片之後，店員就會問你使唔使將個魚頭斬件，$388好抵食

龍躉

$388

因為今次得兩個人食，所以唔係叫咗好多嘢，有機會會約埋一大班朋友去再試，因為佢會有live Band表演，氣氛都幾好，環境坐落又舒服，同埋服務都好好！