美心MX (Closed)

秋涼了，原來美心MX推出左三款火鍋： 鮮氣逼人海鮮火鍋、酒不醉人醉雞火鍋、牛氣沖天肥牛火鍋，一人一鍋，一丁友都可以自己去打邊爐，爽！我就揀左鮮氣逼人海鮮火鍋($75)，有齊北海道帆立貝、赤海蝦、肥牛、蟹籽蝦滑、烏冬、各式蔬菜…… 赤海蝦有兩隻，又幾好食喎，蝦肉好爽口。湯底三揀一，我係芫茜控，梗係要芫茜皮蛋湯底啦，唔會太咸，芫茜又夠多，好香呀！另外加左一碟肥牛($20)，賣相麻麻地，味道尚可。 同埋優惠加配兩款($15)，餐肉同咸檸七，好大食添。順便要一讚吓清潔姐姐，執枱都好好禮貌，唔該前唔該後，仲叫我地慢慢享用，好窩心。