Tick Talk (Closed)

放工時間要四圍逛一下紓解心情，喺附近多數都係一些餐廳、飲品店，橫掂朋友都未到，就去一間位於角落位嘅飲品店-Tick Talk 試吓佢啲特色飲品。揸車人士非常方便，門口有位停泊，一落車已經係飲品店。女士們當然鍾意飲鮮榨果汁，見到佢嘅黑色飲品餐牌上面都幾多款式選擇，金奇異🥝果汁係季節限定，決定一試。即場見到職員真的把新鮮的金奇異果🥝肉放入攪拌機，果然係新鮮鮮榨果汁🍹。飲落去味道唔會太酸，反而甜甜地，仲咬到好多粒黑色嘅奇異果果實。朋友就點了奶茶系列的珍珠奶茶，奶茶味道香醇濃郁，啖啖絲滑，可以媲美絲襪奶茶。總括而言，位於長沙灣區屬於性價比比較高的一間飲品小店，飲品價錢都只係介乎$16至$32，最重要係飲品即叫即做、非常新鮮，經過一定會再支持這一間有心機經營的小店-Tick Talk。