阿爺八鮮鍋 (Closed)

今日我地四姊妹逛逛下街，突然心血來潮想食粥底火鍋。於是我哋就揀了阿爺粥膳八鮮鍋～～一坐低親切的店員就拎左啲不同醬料俾我哋。但我覺得呢度啲嘢已經鮮到不需要用醬料已經好好味😋仔細一看才知道原來粥底火鍋跟一般火鍋不一樣是有很多步驟呢！嘩！新鮮又大隻的海鮮拼盤出場啦😍有蘇格蘭大元貝,大肉蟹,芒蜆，鮑魚，貴妃蚌及雞肉。原來呢度嘅食法係要店員來將啲食材放落獲到炒，炒到咁上下就加油再炒，炒到啲火出曬嚟完全夠晒火候，在加粥水做湯底。首先梗係將啲蟹蓋放落粥底到最後先食啦，因為係最入味。之後就開始食美味的海鮮了😍啖啖肉好有鮮味😋食完所有海鮮後，我哋再另加幾款配料打邊爐。有紫菜響鈴，好脆淨食都好有口感😋蟹柳鮮甜，牛肉鮮味。最後落米煮成粥，美味鮮甜的蟹粥真係無得輸，我哋每人都食咗成三碗真係好滿足😎