鮨玥 (Closed)

山長水遠同個舊同學黎到鯉景灣食飯, 旨在揸下車,吹下水, 黎到先揀食咩, 個心係想食日本野既,因為上次黎已經食過泰國野, 行下睇下,決定勇闖呢間中價位既日本野, 其實係呢區黎講,價錢都唔貴!估唔到有意外既驚喜, 所以食完立馬上黎寫返轉介紹下。壽司定食, 有八件壽司,無一件馬虎,海膽新鮮, 仲要有大拖羅。。肥美無比!!其他都鮮味十足!海鮮飯, 咩都有啲, 個飽魚超驚喜,因為個樣黑黑地,驚好硬, 食落好 juicy! 燒牛舌再黎個活赤背, 厚肉鮮美, 口感一流最後要多條魚, 煎到岩岩好,入面啲肉嫩滑無比!海鮮飯有好多款,連熱食都好多揀, 總有岩你食既野!