Video
Read full review
2016-07-10
660 views
元朗聽聞有間食砂鍋粥專門店金稻園，行過門口有一樽樽氧氣，搞乜丫？不過門口好有地道食宵夜感覺，好想試一試招牌砂鍋粥！門口望望，似係食潮州砂鍋粥，仲要堅係有新鮮蟹，重未死，粥底應該好鮮甜！環境細細，野食都好似唔少，大愛串燒，正！是日小食HK$9 - 蘿白雞翼尖，有蒜香又辣辣地，飲啖啤酒，爽啊！“一日一啤酒，醫生快快走！”老闆講既我同朋友決定叫二人套餐，唔洗煩，有招牌砂鍋粥加6串串燒HK＄288燒茄子HK$32 表面有一層蒜蓉，燒成一片蒜蓉簿脆。一咬落去，蒜蓉卜卜脆，茄子肉又甜又Juicy，超正！海鮮砂鍋粥（蟹＋基圍蝦），可以基圍蝦轉鮑魚加HK$40, 我無求令到砂鍋粥，要幾甜有幾甜，要幾鮮又幾鮮，所以鮑魚係唔小得！嘩！一入口果然無令我失望，鮮甜的粥底用料十足裡面有蟹，菜脯，芹菜，馬蹄，好有潮洲風味！重點係鮑魚片真係好彈口！燒冬菇－入口唔乾，好香冬菇味，食得出用水煮熟完再燒加上燒汁，味道都ok!燒羊肉－ 肉質彈牙，有羊肉味，配上七味粉和我最愛孜然粉，正！燒菠蘿－入口熱辣辣，香甜又多汁，而且有蜜味！評分：（以5個＊為滿分）食物：＊＊＊1/2服務：＊＊＊環境：＊＊＊1/2衛生：＊＊＊1/2抵食：
元朗聽聞有間食砂鍋粥專門店金稻園，行過門口有一樽樽氧氣，搞乜丫？
不過門口好有地道食宵夜感覺，好想試一試招牌砂鍋粥！
門口望望，似係食潮州砂鍋粥，仲要堅係有新鮮蟹，重未死，粥底應該好鮮甜！
環境細細，野食都好似唔少，大愛串燒，正！
是日小食HK$9 - 蘿白雞翼尖，有蒜香又辣辣地，飲啖啤酒，爽啊！
“一日一啤酒，醫生快快走！”老闆講既
我同朋友決定叫二人套餐，唔洗煩，有招牌砂鍋粥加6串串燒HK＄288
燒茄子HK$32 表面有一層蒜蓉，燒成一片蒜蓉簿脆。一咬落去，蒜蓉卜卜脆，茄子肉又甜又Juicy，超正！
海鮮砂鍋粥（蟹＋基圍蝦），可以基圍蝦轉鮑魚加HK$40, 我無求令到砂鍋粥，要幾甜有幾甜，要幾鮮又幾鮮，所以鮑魚係唔小得！嘩！一入口果然無令我失望，鮮甜的粥底用料十足裡面有蟹，菜脯，芹菜，馬蹄，好有潮洲風味！
重點係鮑魚片真係好彈口！
燒冬菇－入口唔乾，好香冬菇味，食得出用水煮熟完再燒加上燒汁，味道都ok!
燒羊肉－ 肉質彈牙，有羊肉味，配上七味粉和我最愛孜然粉，正！
燒菠蘿－入口熱辣辣，香甜又多汁，而且有蜜味！評分：（以5個＊為滿分）
食物：＊＊＊1/2
服務：＊＊＊
環境：＊＊＊1/2
衛生：＊＊＊1/2
抵食：＊＊＊
金稻園元朗又新街37-51號富祐閣14號地舖
TEL:3488 7178
Post
