通達食店

Open Now

Now Closed

好掛住通達既紮實魚蛋，今日特登拖我鼻B過黎😆。每次都係門外篤串魚蛋，今日黎到坐底慢慢食。好肚餓既我地叫左四串魚蛋，總共24粒！ 一座魚蛋山，唔洗爭。鐘意呢到既魚蛋有實在既魚味，而且口感好實在，密度高。唔算好彈牙，但有種真材實料既紮實魚肉感。雖然唔辣，但魚蛋都掛有甜甜地既咖喱汁， 所以味道唔寡。碗仔翅加四四方方既魚肉就係通達既魚肉翅。色澤係深沈既蠔油色，味道食落有啲失望，似稀釋既甜豉油味。口感比較糊，當中仲有未拌勻既生粉團，所以食剩左左半碗，無食哂就走左。都係比較鐘意呢到既魚蛋。