甘蝦，帶子，蟹子，玉子燒魚生飯，個賣相好靚，甘蝦同帶子都幾大隻，食落好鮮甜，非常新鮮。
吞拿魚蓉，角切魚生，玉子燒，d角切魚生粒粒都好肥美，好新鮮，而d吞拿魚蓉一d都唔腥，要黎撈壽司飯好好食。
美國安格斯封門柳，燒得啱啱好，唔會太熟而好鞋，d牛肉味好重，唔錯。
汁燒露荀肥牛卷，露荀好爽甜，用肥牛包住食，可以減去肥牛嘅油膩感，個醬汁都好好味。
燒明太子雞脾肉，上面鋪滿晒明太子，好足料，而d雞脾肉都好嫩滑。
燒雞腎，d雞賢燒到唔會好硬，好爽口好有口感。
燒長洲大魚蛋，d魚蛋食落彈牙，上面燒到有少少焦香，幾好食。
蟹膏蟹肉甲羅燒，成個蟹蓋充滿蟹膏同蟹肉，好足料，佢地仲配埋多士，夾埋一齊食，勁正，勁鮮甜。
