DONDONYA (MOKO)

嗌個自選刺身丼，魚生每款寫明有4片，返到屋企一開外賣盒真係嚇一嚇，係正常一片魚生片開四片，能夠切到咁真係不得了。

灸燒丼塊魚熟到硬真係第一次見，但明既，薄成咁師傅都好難燒。

再上嚟睇返食評，竟然有人講刺身厚切好味，嘩，大家收錢寫食評都畀少少良心，片嘢紙咁薄都寫得出厚切，夜晚瞓唔瞓得著。

從未北上消費，但呢餐令我覺得自己仲留港消費絕對交緊智商稅。