Cafe Whale

Open Now

Now Closed

雖然呢一間食肆個名叫Cafe，主打食Burger，不過令人念念不忘卻是佢嘅魚湯烏冬。上次食係配麻辣魚扣嘅，今次店長話麻辣魚扣賣晒，問我介唔介意轉做醋漬番茄，我話無問題呀，因為一心黎到就係想食佢個魚湯烏冬。佢個醋漬番茄都幾好食，冷盤黎嘅，甜甜地酸酸地，好開胃。魚湯烏冬入面有魚蛋同魚片，不過個重點真係個魚湯，我問店長其實賣Burger好地地做乜賣烏冬，佢話原來佢個魚柳包係用漁市場直送嘅沙巴龍躉起肉做嘅，所以魚柳之外仲有其他部份，如果掉咗佢又好浪費，所以通常會留返黎做員工餐，不過有一次有個熟客話想試就整咗碗比佢，佢話好好食仲建議佢地賣埋，所以衣家就食得到，$68真心抵，真材實料。