鯛魚魚湯專門店 (Closed)

我好喜歡飲魚湯，見到呢間用鯛魚做base，同坊間不同，而且只此一間，就去左試🤓🦀鯛魚濃湯鮮蟹烏冬個湯底個個都吾同，呢個真係有原汁原味鮮甜蟹味。蟹嘅size 中等，都有肉食到，味道清淡，都有少少蟹膏。呢個價錢，比到原隻蟹已經好不錯。烏冬default 咗稻庭，所以好滑，想特別就改羽衣烏冬，侍應話會扁身少少，下次可以再試！🐟鮑魚花膠湯飯呢個湯相對地鮮甜，乳白色，配上啲木耳絲，仲有紫菜，魚卜等，好豐富😍花膠真係好多塊，鮑魚就少左啲，得2隻🙊吾夠喉🤓飲晒啲湯真係好飽好滿足，一試難忘🥰最後，叫左杯蜜桃成熟時 ，即係蜜桃汁再加紅茶，晚市做緊半價$12，甜度岩岩好，紅茶濃而不澀。