試咗呢碗魚介豚骨沾面，整體黎講算係有水準，但仲有少少位置可以改善。
.
首先，面身彈牙，質感不錯。不過，我特登叫咗面身要硬啲，但上枱時都有啲偏林，未達到我預期嘅硬度（當然，口味因人而異，可能有啲人會鍾意呢個軟身度）。而且無得加面底，所以我食幾淡就食完，唔太夠飽。
.
湯底就係全晚最大亮點，魚介同豚骨嘅香味平衡得好好，濃而不膩又唔會太咸！叉燒片煮得非常柔軟，肥瘦比例啱啱好，入口即溶，完全唔鞋口，加埋半熟溏心蛋，鹹香度加分！
.
整體黎講，呢碗魚介豚骨沾面係值得一試嘅，特別係湯底好出色！但面條嘅硬度調整似乎仲有進步空間，建議鍾意面身硬淋分明嘅朋友可以再溝通清楚。另外，如果你食量比較大，記住留意面條份量，未必夠飽～
.
🔖 整體評分: 7.0/10
📍 推薦項目: 濃厚魚介湯底、入口即化嘅叉燒
