豚道樂 (大河道) (Closed)

荃灣美食經常被廣泛報導，但住荃灣的我中過幾次伏後都驚驚！對於落樓下食飯心態對於拉麵都有點抗拒，話哂得一碗麵，價錢又唔平。對住喜愛拉麵的肥仔同要試新野嘅朋友，半推半就下去左豚道樂。店舖裝修充滿日本味，成日都排哂長龍，好彩我地六點就到，唔洗等好耐就入座了！座位都算寬闊，而我地就揀左吧枱！枱底有掛鈎比食客掛袋，另外仲提供充電線，呢個真係要比like!!👍🏻豚道樂主打九州豚骨拉麵，湯底以大量豬骨和蔬菜熬製而成，湯底有原味、黑蒜油、日本芥末和辛辣味噌四種選擇。逢週末更有限量供應的海老湯拉麵。全部拉麵都可選經濟或特上，特上會有豬肩肉，豬腩肉兩種，溏心蛋半隻同紫菜而經濟則豬肩肉或豬腩肉二選一。拉麵可選直或曲麵，軟硬度，蔥，辣度都可自選，非常貼心。我今次就揀左平日限定的特上魚介豚骨湯拉麵濃郁嘅湯底加上魚介後更惹味！拉麵我揀了較彈牙的曲麵，掛湯力高，每啖麵都充滿魚介湯味。豬腩肉肥美嫩滑，豬肩肉則較瘦，另外仲有糖心蛋，竹筍，芽菜同菜苗。個人比較喜歡食豬肩肉，比較多肉食，雖然肥嘅部份較少但肉都好淋，完全冇柴皮嘅感覺。由於我哋三個都太大食，於是再額外叫左三款小食！韓式蒜蜜味叉燒叉燒同選拉麵叉燒一樣，都可選腩肉