Video
Read full review
2021-03-04
150 views
由於疫情關係，好耐無去新餐廳！近排發現銅鑼灣糖街開左間新既玩味餐廳，今晚得閑就去試試。間餐廳個英文名真係好搞鬼，叫Vie Won Won，唔係香港人應該唔會明!餐廳主打西餐，有沙律，湯，前菜，麵，飯，主菜，甜品等等，選擇唔多，但係就幾特別，定價真心唔平。今晚唔想食得太heavy，所以叫d輕盈d既，試試餐廳既水準如何先。三色冷麵 $88+10%首先黎個前菜先。三色冷麵真係有三隻色，分別係粉紅色，米色同白色。粉紅色居然係櫻花味，好特別又冇平時d櫻花產品咁難入口。白色個d係米粉。d麵係滑滑地而唔係有咬口個d。冷麵本身冇味，所以一定要撈埋d海鮮配料一齊食。個冷麵汁居然係藍色，用個靚靚茶壺裝住，似海鮮湯，不過比較淡。海鮮有唔少咸鮮蟹肉，三文魚子同兩隻蟹鉗，送冷麵食好食。如果d蟹殼可以全部清走就更好。配料仲有好多海帶，新鮮菜苗同少少藏紅花。成個冷麵好海鮮feel。威靈頓白吞拿魚 $268+10%叫左一個主菜。第一次見威靈頓白吞拿魚，即管試下。一上枱已經超香，一客兩件。個酥皮一切開就聽到咔唰聲，外圍冇浸到汁既部份超酥脆。酥皮入面既白吞拿魚好厚身，外圍熟透但係入面仲係刺身級，超多汁，但其實連外圍熟左既
餐廳主打西餐，有沙律，湯，前菜，麵，飯，主菜，甜品等等，選擇唔多，但係就幾特別，定價真心唔平。今晚唔想食得太heavy，所以叫d輕盈d既，試試餐廳既水準如何先。
三色冷麵 $88+10%
首先黎個前菜先。三色冷麵真係有三隻色，分別係粉紅色，米色同白色。粉紅色居然係櫻花味，好特別又冇平時d櫻花產品咁難入口。白色個d係米粉。d麵係滑滑地而唔係有咬口個d。
冷麵本身冇味，所以一定要撈埋d海鮮配料一齊食。個冷麵汁居然係藍色，用個靚靚茶壺裝住，似海鮮湯，不過比較淡。
海鮮有唔少咸鮮蟹肉，三文魚子同兩隻蟹鉗，送冷麵食好食。如果d蟹殼可以全部清走就更好。配料仲有好多海帶，新鮮菜苗同少少藏紅花。成個冷麵好海鮮feel。
威靈頓白吞拿魚 $268+10%
威靈頓白吞拿魚
$268
9 views
0 likes
0 comments
叫左一個主菜。第一次見威靈頓白吞拿魚，即管試下。一上枱已經超香，一客兩件。個酥皮一切開就聽到咔唰聲，外圍冇浸到汁既部份超酥脆。酥皮入面既白吞拿魚好厚身，外圍熟透但係入面仲係刺身級，超多汁，但其實連外圍熟左既魚肉都唔算韌，而魚味好濃，真係超好食。下底有個海膽汁，味道唔濃，點酥皮或魚肉食更加唔乾。魚肉下面墊左少少類似菠菜同薄瓜片，上面灑上新鮮菜苗同藏紅花，仲有一塊葉狀既薯片，賣相唔錯。
威靈頓白吞拿魚
$268
11 views
0 likes
0 comments
龍蝦湯配脆米伴海蜇頭珊瑚蚌 $182+10%
龍蝦湯配脆米伴海蜇頭珊瑚蚌
$182
13 views
0 likes
0 comments
最後叫左個飯，但係其實係脆米！同三色冷麵一樣，龍蝦湯用個靚靚茶壺另上，呈橙色，非常濃郁，係一個好好既點綴。脆米做底，有五大舊，厚身但由外到內都超脆，加左湯都仲脆。龍蝦肉起好哂殼，方便食用。海蜇頭三舊，真係未食過咁爽脆既海蜇頭，珊瑚蚌反而要咬下。上面灑上新鮮菜苗同藏紅花，仲有招牌葉狀薯片。
龍蝦湯配脆米伴海蜇頭珊瑚蚌
$182
11 views
0 likes
0 comments
試左幾樣野，睇得出餐廳有誠意係d細節位做好d整d特別既菜式。裝修同裝飾特別，以鬼屋做主題，連餐具都配合主題。
服務態度好好，服務員會主動介紹食物，邀請幫手合照都馬上應承。而家餐廳原來仲係試業當中，希望下次多d菜式可以試試。
Post
