Video
Read full review
2021-06-04
170 views
❀ 鬼混 #銅鑼灣 #💛 ❀❗️鬼怪為題特色fusion餐廳 多種首創菜式打卡一流❗️——————————————————最近銅鑼灣呢間已鬼怪為主題嘅餐廳人氣爆燈💥裝修環境用上好多鬼怪擺設，製造種鬼秘得嚟又吸引嘅感覺👻而且佢哋菜色亦非常打卡able，充滿創意。建議想食嘅預先上網book位，咁就唔使排隊。而家午市人均消費$100或者晚市人均消費$300仲會送戲飛😹除咗餐廳之外，其實佢哋仲有個5D鬼屋，當中會同入面嘅鬼怪互動，朋友曾經玩過都話唔錯(⁎⁍̴̛ᴗ⁍̴̛⁎)！另外餐廳出面亦擺放左一啲有關鬼怪嘅免費展覽，成個題材真係非常新鮮，都值得一訪🙌🏻。.✷𝑀𝑒𝓃𝓊✷☞ 水牛芝士氣球莎拉 $128 (3.5/5)一見到呢道菜就會知道係呢間餐廳嘅出品！用水牛芝士整成嘅氣球真係好得意，不過原本以為一拮會爆，點知原來只係慢慢漏氣🙈。口感少擦膠，無咩味，後尾睇返餐牌見寫住話Don’t eat the balloon, it’s completely tasteless😂不過上菜嗰陣時侍應就有同我哋講爆之後撈勻食?.?Anyway就係一個正正常常嘅沙律，用上osmanthus dressing，味道酸酸甜甜同平時柚
❗️鬼怪為題特色fusion餐廳 多種首創菜式打卡一流❗️
——————————————————
最近銅鑼灣呢間已鬼怪為主題嘅餐廳人氣爆燈💥裝修環境用上好多鬼怪擺設，製造種鬼秘得嚟又吸引嘅感覺👻而且佢哋菜色亦非常打卡able，充滿創意。建議想食嘅預先上網book位，咁就唔使排隊。而家午市人均消費$100或者晚市人均消費$300仲會送戲飛😹除咗餐廳之外，其實佢哋仲有個5D鬼屋，當中會同入面嘅鬼怪互動，朋友曾經玩過都話唔錯(⁎⁍̴̛ᴗ⁍̴̛⁎)！另外餐廳出面亦擺放左一啲有關鬼怪嘅免費展覽，成個題材真係非常新鮮，都值得一訪🙌🏻。
.
✷𝑀𝑒𝓃𝓊✷
☞ 水牛芝士氣球莎拉 $128 (3.5/5)
一見到呢道菜就會知道係呢間餐廳嘅出品！
用水牛芝士整成嘅氣球真係好得意，不過原本以為一拮會爆，點知原來只係慢慢漏氣🙈。
口感少擦膠，無咩味，後尾睇返餐牌見寫住話Don’t eat the balloon, it’s completely tasteless😂不過上菜嗰陣時侍應就有同我哋講爆之後撈勻食?.?
Anyway就係一個正正常常嘅沙律，用上osmanthus dressing，味道酸酸甜甜同平時柚子差唔多，都加上咗少許血橙、莓、火龍果，算係幾清新。
原來底下仲有一大層牛油果，不過overall我覺得偏貴，真係for打卡。
水牛芝士氣球莎拉
$128
11 views
0 likes
0 comments
.
☞ 龍蝦湯配脆米伴海蜇頭珊瑚蚌 $218 (3.9/5)
玩轉fusion菜🤣！
西式嘅龍蝦湯用上中式茶壺去裝住，龍蝦鮮味特出，不過有少少容易變凍。
將飯團炸到香脆，再加上龍蝦湯，就好似食緊炒飯咁，但加埋飯焦嘅口感，一啲都唔油膩。可以視乎喜好再決定浸幾耐。
另外有少少拆咗肉嘅龍蝦、爽口嘅海蜇頭、珊瑚蚌，喺炸飯團嘅襯托下好似變成咗配角咁🙈。
龍蝦湯配脆米伴海蜇頭珊瑚蚌
$218
11 views
0 likes
0 comments
.
☞ 威靈頓白吞拿魚 $328 (4/5)
好耐之前就已經被佢哋嘅威靈頓吸引，亦係佢哋嘅主打之一。
香脆嘅酥皮包住雪白色嘅吞拿魚，非常之靚，上菜時廚師已經預先切開一半。
酥皮夠香脆，欣賞內裏仲有一層薄薄嘅Parma ham，令到酥皮更加鹹香。
不過內裏嘅白吞拿魚就同想像中嘅有出入，冇烘焗嘅感覺，取而代之係好似中式蒸魚咁，有種濕潤，勝在幾滑溜，魚味幾重。
味道亦係中式蒸魚味😂有少少香蔥，隔離嘅醬汁似甜豉油，為味覺帶來衝擊。
整體還好，算獨特，但冇想像中咁神級🙈。
威靈頓白吞拿魚
$328
56 views
0 likes
0 comments
.
☞ 白朱古力夏落逸蛋糕 $78 (4.3/5)
唔見好多人食，但真係成餐最出色，連唔食甜品嘅朋友都覺得好好味🤩🤩🤩！
夏落逸蛋糕Charlotte cake一般會用手指餅圍住，內裏再有一層層蛋糕忌廉，造型非常少女。
呢度嘅夏落逸蛋糕用上蛋糕圍住，內裹亦有creamy嘅吉士、莓醬，表面仲有清新嘅生果、抹茶脆脆、同埋牛奶味超重嘅忌廉！
各種味道互相平衡，非常豐富。細細件剛剛好，又靚，推薦💓！
白朱古力夏落逸蛋糕
$78
38 views
0 likes
0 comments
白朱古力夏落逸蛋糕
$78
82 views
0 likes
0 comments
.
☞ 桂花金橘蘋果沙冰 $64 (3/5)
一飲覺得勁似細個雀巢嗰隻橙冰😂隻橙味有少少假，亦唔係太飲得出桂花蘋果，較為一般。
桂花金橘蘋果沙冰
$64
27 views
0 likes
0 comments
——————————————————
✨整體味道: 3.8/5
✨環境裝修: 4.2/5
✨服務態度: 4/5
✨性價比: 3/5
✨再訪興趣: 3.5/5
.
💞整體來講
食物質素以呢個價錢來講CP值較低🙈但真係充滿創意又靚，影相一流。而且成間餐廳嘅主題非常創新，唔算好好味但體驗獨特，都值得一試，建議多啲人一齊食share會好啲。如果唔想消費嘅就咁睇吓出面嘅鬼怪展覽都好，的確係幾特別。
Post
