呢間日式漢堡扒連鎖店🍔成日好多人排隊，我哋入到去坐吧枱🔥有店員會幫手燒好漢堡扒六成熟再俾我哋食中😋🌟上菜速度極快快靚正！
🍽️ 原味+ 芝士 +青咖喱三件漢堡扒套餐
可叫2塊或3塊嘅漢堡扒套餐😋我哋當然好啲，叫咗三件漢堡扒啦，而且揀咗一個有芝士同埋新出期間限定🥙青咖喱漢堡扒試下😋啲芝士又係刨到成座山咁高，仲大隻過個漢堡扒😍見到都滋味無窮，而且青咖喱漢堡扒上面有塊菠蘿，加埋青咖喱🍛酸酸甜甜嘅漢堡扒夠晒滋味😍食得好開心！
🍽️ 原味+ 芝士三件漢堡扒套餐
等食嘅時候我哋見到枱上面有啲指示叫我哋參考佢哋嘅食法，有好多醬料我哋都擠晒出嚟😋七彩繽紛，跟住店員安排先上原味嘅漢堡扒🍔俾我哋試原汁原味嘅和牛漢堡扒🌟我哋就試吓唔同味道嘅醬汁配漢堡扒係咩滋味，每一嚿人手手製嘅漢堡扒真係夠晒新鮮😋💦最後先上芝士漢堡扒，而且店員會喺你面前刨芝士，好似表演咁樣刨到成個芝士成咗山咁高，大個漢堡扒🍔😍夠晒Creamy未食先興奮！
🔆 套餐可以免費添加蔬菜🥬、湯品🍲同埋軟綿綿嘅飯🍚連個湯都好正，滿滿嘅肉丸🔥啲米都粒粒均勻真係好yummy～正爆嘅漢堡扒加上優質米飯，冇得輸呀！
