餐廳外面仲有take away 既新鮮果汁，又多款生果配搭，實有一款岩飲！
原來新店開張，大家鍾意食燒肉既，一定要趁住個優惠黎試試，非常抵食！
款式非常多，燒又得，唔燒又得！半燒半唔燒又得！
好鍾意距既獨立空間，將你同隔離枱有私人空間，同朋友黎食，就可以好暢懷！
Sour Bomb $35，酸酸甜甜，有新鮮既柚子同橙果肉，加埋檸檬同薄荷葉，老公話好飲完好似叉左電甘！
韓式牛肉炒粉絲 $85，最愛既韓國菜式，肥牛又好嫩口，而且係正宗既韓式粉絲，醬汁亦唔會太濃太咸！
脆香芝士炸雞 $68，熱辣辣，非常惹味，大大舊既雞塊，再配上芝士，十分邪惡之選
泡菜海鮮薄餅 $138，平時係韓國店係用麵粉漿，第一次試泡菜mix pizza，而呢款係薄薄餅，唔膩又份量又剛剛好
海鮮有蝦、魷魚、蜆，再加埋泡菜同芝士，正！
韓式人蔘雞湯 $118，老公超喜愛人蔘雞湯，話要補一下！
非常足料，大半隻雞、有紅棗同人蔘，好抵食！再加入少許粥，成個湯變得十分濃！
