上週末跟媽媽去寵物街，要買我家龍貓的日用品及草糧，買完累了，帶著幾袋戰利品想找個闊落的餐廳食飯。
去旺角/花園街方向似乎又不太適合，
人多的小店那來空位放置物品啊。
馬上決定去最就近的商場始創。
見到這間新開的台式餐廳，
似乎環境不錯，卡位多，空間夠大，
而且看餐牌貌似價錢合理，馬上就進去坐下抖抖。
逛了半天都餓了，叫了兩碗麵share,仲有小食甜品。
紅燒牛肉麵的牛肉比想像中多，切得好大舊。唔算非常軟爛，但都不錯的。湯底呈透明啡色，幾濃，可惜不夠辣。如果好似台灣有得自己加辣牛油調味就更好了。
另一碗就叫左台式三寶麵。貪佢一次試倒牛𦟌牛肚牛根。牛根都燘得幾淋，牛肚自然是爽口的，牛𦟌其實就是牛肉麵裡的牛肉，只是份量比較少，適合貪心想試款的人。
一開始不知道麵份量咁多，仲叫左小食。選了好神奇的藍蟹餅。因為平時懶剝但又愛食蟹，所以在西餐廳都會想叫，沒想到台式餐廳都有，幾fusion下。賣相同外面餐廳好似，幾對板。味道就中規中矩啦，炸得脆口但內餡的蟹肉可以再落多些。
仲有叫左個甜品海綿班㦸，想完滿收尾。點知上檯有點太濕潤及不夠鬆化。果然台式餐廳都是叫台灣野最安全。
Overall性價比好高呀，可以一試。
