祝ご 居酒屋 (Closed)

假期度度都好多人，行過Ladder Dundas見到好多樓上餐廳，都食過幾間都不錯，今次我地揀左係5樓的居酒屋。想不到有意外驚喜，地方雖然唔大，但環境好舒適，有幾枱大家庭聚餐。我地叫左：#刺身盛盒、#石燒和牛、燒茄子及五比目炒飯🌟石燒和牛薄切和牛肉質軟嫩，油脂豐腴，石燒後油香四溢，肉味濃郁，鮮嫩多汁～🌟刺身盛盒厚身大拖羅，食得出佢好新鲜，入口即溶，油脂感十足，魚味較清淡，好好食。帶子鮮甜可口，魷魚爽口，赤蝦大大隻，鮮味十足，正。🌟燒茄子日式醬汁配茄子，清香撲鼻，茄子軟綿，偏甜口感。🌟五比目炒飯特制的蛋黃，咸香味，偏味濃，配炒飯食，十分開胃。整體環境舒服，食物質素不錯。