Video
Read full review
2022-11-06
871 views
週末出旺角買電話套，對住巴士站樓上閣樓有一間隱蔽米線餐廳，做sales嘅朋友介紹我去食嘅！室內裝修簡潔，座位坐得舒服，午餐有好多嘢食選擇，主角米線，仲有好多風味小食同埋串燒。飄香紅油皮蛋（辣）HK$ 18好有特色的皮蛋，飄香紅油夠晒辣，皮蛋入口 creamy，惹味開胃的小食。檸檬炸雞 HK$ 20有人誤會咗係西檸雞，其實係香脆乾身的炸雞，皮脆肉嫩又多汁，檸檬🍋汁酸酸地解油膩。小草十八怪石鍋米線我自己第一次嘗試米線有九餸咁多，仲要可以自己 DIY 石鍋米線，新奇刺激，好啱情侶拍拖煮飯仔。石鍋米線套餐（九餸）九款餸 HK$ 88啱晒貪心嘅我哋，足足可以試到九樣唔同嘅配料，部份矜貴配料要加錢，大部份都好有特色。我哋選擇自己落鍋自己煮配料，酸菜漁湯底配搭薯粉，味道濃郁好夾呀！過程都好得意，首先熱辣辣嘅石鍋上邊放上菜底，然後再放一啲比較需要煮耐一點時間的配料；例如人氣爆燈的麻辣小龍蝦🦞 花膠、牛丸；然後+加點酸菜魚湯，滾熱辣到出晒煙，大概煮一兩分鐘，就可以加入紅薯粉，聞到好香，已經好想食。然後再陸續加上其他配料，五香辣豬軟骨、香辣蕃茄牛肋條、鹵水腩肉、紅燒牛肚，幾款食材都炆煮得好入味，我喜歡重口
室內裝修簡潔，座位坐得舒服，午餐有好多嘢食選擇，主角米線，仲有好多風味小食同埋串燒。
飄香紅油皮蛋（辣）HK$ 18
好有特色的皮蛋，飄香紅油夠晒辣，皮蛋入口 creamy，惹味開胃的小食。
檸檬炸雞 HK$ 20
有人誤會咗係西檸雞，其實係香脆乾身的炸雞，皮脆肉嫩又多汁，檸檬🍋汁酸酸地解油膩。
小草十八怪石鍋米線
我自己第一次嘗試米線有九餸咁多，仲要可以自己 DIY 石鍋米線，新奇刺激，好啱情侶拍拖煮飯仔。
石鍋米線套餐（九餸）
九款餸 HK$ 88
啱晒貪心嘅我哋，足足可以試到九樣唔同嘅配料，部份矜貴配料要加錢，大部份都好有特色。
我哋選擇自己落鍋自己煮配料，酸菜漁湯底配搭薯粉，味道濃郁好夾呀！
過程都好得意，首先熱辣辣嘅石鍋上邊放上菜底，然後再放一啲比較需要煮耐一點時間的配料；例如人氣爆燈的麻辣小龍蝦🦞 花膠、牛丸；然後+加點酸菜魚湯，滾熱辣到出晒煙，大概煮一兩分鐘，就可以加入紅薯粉，聞到好香，已經好想食。
然後再陸續加上其他配料，五香辣豬軟骨、香辣蕃茄牛肋條、鹵水腩肉、紅燒牛肚，幾款食材都炆煮得好入味，我喜歡重口味濃郁，口感軟淋。
最後喺面鋪滿小草酸辣炸醬、封門牛肉，大功告成！可以相機📷食先。
首先飲啖湯，濃郁美味，薯粉煙煙韌韌，彈牙爽口。花膠好似手掌咁大，豐富的骨膠原，封門牛肉入口柔軟，龍蝦仔好滋味，滿足又好味！
籠仔荷葉飯
土魷馬蹄香菇肉餅荷葉飯 HK$55
朋友揀咗食住家味道的籠仔荷葉飯，籠仔原個上枱的荷葉飯，好有誠意！
仲有媽咪的味道土魷馬蹄香菇肉餅，真材實料，加埋豉油撈飯，好正！
特大凍檸檬茶
呢度嘅檸檬茶特別大杯，好爽！
涼拌雞絲 HK$25
雞中翼（2隻）
最後，仲追加左兩款小食串燒，食物款式真係多元化，俾個like！
總括服務細心，價錢十分親民，食物質素不錯，每人$100已經食到好飽，有飲有食，生活富足。
Post
