餐廳好近地鐵站，位置方便，雖然藏身酒店裏面，但門口已經堆滿人！
每個角落都精心佈置♥️充滿大自然氣息又帶有小小文青風，絕對適合鐘意打卡嘅你！
蟹肉搓成個波波球，牛油果係下面一層一層疊起形成圍邊，賣相精緻🤩
拆散蟹肉拌勻意粉，發現份量非常多，係其他餐廳嘅1.5至2倍‼️意粉軟硬適中，忌廉幼滑creamy，伴蟹肉同吃，啖啖鮮味！
牛油果除了令口感更豐富，亦中和忌廉的飽滯感！
豪華早餐份量非常豐富！見到都好開心😃有齊焗吞拿魚大啡菇、煙三文魚、德國豬肉腸、煙肉、炒滑蛋、蕃茄、脆薯餅、茄汁焗豆、丹麥多士！早餐一定食唔晒😂
薯餅香脆，蕃茄新鮮。吞拿魚大啡菇好足料，煙三文魚至少有4-5片！！
德國豬肉腸煎得夠香口！丹麥多士本身有牛油煎香兩邊，厚身但好酥脆～
將煙肉、滑蛋、茄汁豆配丹麥多士一齊食，夠晒滋味～
1
伯爵茶焦糖蘋果撻
甜品賣相超可愛，睇顏色絕對估唔到呢個係伯爵茶焦糖蘋果撻！
蘋果撻由橙酒忌廉、伯爵茶吉士、焦糖蘋果組成！
餅底香脆，吉士軟滑，配焦糖蘋果粒粒，口感豐富！伯爵茶中和焦糖的甜味，加上橙酒忌廉，令整體層次更豐富！
荔枝梳打充滿薄荷香氣，夠晒清涼解渴！
餐廳食物好食、環境都好吸引！性價比高
