成個環境都好chill，燈光柔和，音樂唔會太嘈，
啱晒同朋友傾計或者自己慢慢享受美食。
🥢 第一味上枱嘅係香辣蒜粉茄子條
炸得啱啱好，外脆內軟，唔會油淋淋
最正係佢嗰個shake shake辣粉，辣得嚟唔會太過火，加埋蒜粉，真係好惹味！
食完都唔會有罪惡感
🍝 跟住就係紅酒燉牛尾蕃茄芝士汁通粉
牛尾真係燉得好腍，入口即化，完全冇筋
紅酒同蕃茄汁融合得好靚，唔會太酸又唔會太濃，
芝士味啱啱好，令成個通粉好有層次感
🥩 最後壓軸係西班牙黑毛豬扒
一刀切落去，已經feel到肉質好有彈性，
唔係嗰啲乾柴柴嘅豬扒，肉汁鎖得住，咬落去仲有少少甜味
