Video
Read full review
2023-02-01
46 views
今日去旺角行街，周圍搵下有咩好食，網上見到呢間主打墨西哥菜嘅餐廳好似幾特別，就入嚟試下。成間餐廳以墨綠色為主調，裝修十分型格，我地揀左一個近窗嘅位置，有太陽係外面曬入嚟，十分愜意。望住窗外繁忙嘅街道，突然間都有一種好似唔似喺旺角嘅感覺。Mobin香烤蘋果焦糖醬甜脆餅 ($108, 8/10)一上枱已覺得個賣相非常吸睛，焦糖脆片上面放左肉桂蘋果+雲呢拿雪糕，再加上焦糖醬同埋朱古力醬，一口大滿足😍墨西哥香烤雞翼 ($85, 8.5/10)雞翼上面有好多醃漬紫椰菜同椰菜，坊間比較少見。雞翼外皮焗得好香脆，肉質嫩滑，上面有唔少紅椒粉，非常惹味，但又唔會太辣，唔食辣嘅朋友都食到菠菜苗煙燻挪威三文魚餡餅 ($88, 9/10)餡餅外皮鬆軟，用料豐富，一啖有齊菠菜苗，煙三文魚同芝士，而且有原味乳酪，有少量洋蔥同蒜頭嘅牛油果醬同蕃茄醬三種醬可以自由混合，啲醬令個餡餅食落好清新發酵菠蘿氣泡水Tepache Soda ($60, 9/10)呢杯氣泡水有少量因發酵過程而產出嘅酒精，不過飲落係冇酒味嘅，只覺得非常Refreshing，有好香菠蘿味，裡面燒過嘅菠蘿片除左裝飾之外，當啲冰溶咗，可以用飲管篤一篤塊菠
Mobin香烤蘋果焦糖醬甜脆餅 ($108, 8/10)
一上枱已覺得個賣相非常吸睛，焦糖脆片上面放左肉桂蘋果+雲呢拿雪糕，再加上焦糖醬同埋朱古力醬，一口大滿足😍
墨西哥香烤雞翼 ($85, 8.5/10)
雞翼上面有好多醃漬紫椰菜同椰菜，坊間比較少見。雞翼外皮焗得好香脆，肉質嫩滑，上面有唔少紅椒粉，非常惹味，但又唔會太辣，唔食辣嘅朋友都食到
菠菜苗煙燻挪威三文魚餡餅 ($88, 9/10)
餡餅外皮鬆軟，用料豐富，一啖有齊菠菜苗，煙三文魚同芝士，而且有原味乳酪，有少量洋蔥同蒜頭嘅牛油果醬同蕃茄醬三種醬可以自由混合，啲醬令個餡餅食落好清新
發酵菠蘿氣泡水Tepache Soda ($60, 9/10)
呢杯氣泡水有少量因發酵過程而產出嘅酒精，不過飲落係冇酒味嘅，只覺得非常Refreshing，有好香菠蘿味，裡面燒過嘅菠蘿片除左裝飾之外，當啲冰溶咗，可以用飲管篤一篤塊菠蘿釋出甜品，令到杯野飲到最後都仲keep 到好重菠蘿味。新鮮嘅Rosemary 同薄荷葉亦令杯野嘅味道層次更豐富
Ginger Latte ($45, 9/10)
一上枱已經聞到好香嘅肉桂味，飲落就好重薑味，但唔會太辣，飲完之後成個人暖笠笠。咖啡香濃得嚟唔會太甜，配埋甜脆餅一齊食好夾
第一次食墨西哥菜，食物同飲品都令人十分驚喜。如果想係旺角鬧市搵一間高質素嘅餐廳暫時遠離一下繁囂，呢間係非常唔錯嘅選擇
Post
