味道樂居酒屋 (河內道) (Closed)

💗壽司/刺身/卷物⭐️壽司不得不讚嘅喺呢度嘅壽司，師傅手握壽司嘅功力唔錯，食嘅時候完全冇飯粒掉落，值得一讚嘅就係左口魚邊火炙壽司，經過火炙令魚油迫晒出黎。⭐深海池魚王刺身( 厚切)魚身晶瑩通透，鮮甜美味，厚切令魚脂更加香。⭐火炙北海道帆立貝蟹膏卷面頭有蟹膏鹹香十足配上帆立貝鮮甜爽口，卷物部份，夾咗爽脆嘅青瓜絲、紅羅白絲、蟹柳絲，形成強烈嘅對比，口感好豐富😁⭐鐵板蒜片香煎厚切牛舌又係我最鍾意食嘅牛舌😂呢個同上一間hungry monkey嘅做法唔同，雖然都係厚切，但係呢個咬落入面軟淋，並唔係爽嘅口感，連蒜片一齊食，都好香口！⭐鵝肝石鍋飯又係啲肥膩嘢，冇嘢好講，一定好食㗎😂我講嘅油份滲透晒落每一粒飯，加上鍋底嘅飯焦，冇嘢可以挑剔。