原本話去返番上次食個間食酸辣粉
但行緊去酸辣粉途中…
突然聞到好香既串燒麻辣味🤤
就發現到呢間串燒陣
即時同老公講不如轉呔🤭
女人就係善變😎
可能因為未到放工時間既關係
所以一入到去就有位
店員俾咗張QR code我地自助落單
首先叫左可樂先😂食串燒點可以無可樂？
下面係我地今晚叫既串燒🤤
⭐️蒜蓉燒大大茄子🍆
成隻茄子燒得好軟身，真係連皮都食得個隻
之前試過去其他鋪頭食茄子只係會食佢入面既肉🥹層皮就👋🏻👋🏻
⭐️錫紙燒蒜蓉花甲
開頭我老公話叫我仲有啲擔心會唔會食到好多沙架，食完發現我既擔心係多餘😂仲要多蒜！真係連汁都👅埋！
⭐️蒜蓉燒大生蠔🦪 ⭐️燒雞軟骨串
我因為唔食蠔所以只係叫左一隻
老公話隻蠔燒得岩岩好，唔會乾哂水
雞軟骨我食既，大大粒又係無燒到乾哂
廚師控制得好好👍🏻
⭐️脆皮麻吉燒⭐️燒五花腩⭐️燒豬大腸⭐️
燒五花腩肥瘦岩岩好，唔會淨係得肥🐷肉
燒豬大腸食落有驚喜❣️竟然真係舊舊都燒到脆卜卜！一定要趁熱食！
脆皮麻吉燒其實入面係年糕😂我自己鐘情煙煙韌韌既嘢！
⭐️蒜蓉燒原條魷魚🦑
一大條魷魚🦑食落唔乾身
如果再加多啲蒜蓉仲正！
⭐️燒小饅頭
燒小饅頭其實有啲似我地成日BBQ既燒方包
但原來燒饅頭上面加練奶同辣粉又幾惹味！
下次等我BBQ又可以試下😎
⭐️燒豬頸肉
一上枱我老公就問係咪黎錯左？
係咪腩肉黎架？豬頸肉有禁厚咩😂
佢對豬頸肉既印象仲停留喺薄切階段
食左一啖…真係豬頸肉黎架喎！
咬落仲有肉汁😍
⭐️燒羊肉串
因為我唔食羊所以俾唔到意見
老公就話唔錯😌
差唔多食完既時候餐廳就開始多人了
整體黎講，食物，服務，同環境都好好👍🏻
唯一美中不足今次只係叫左小辣
下次我應該可以試大🌶🤭
