Video
Read full review
2023-07-18
18 views
去大埔超級城商場行街時，俾餐廳既純白外觀同拱門設計吸引左。叫左兩個daily set:⏩️香煎鱸魚柳配沙律呢款鱸魚柳魚肉好鮮嫩一啲都唔腥，煎嘅時候唔會太耐，魚肉仲保留住啲汁水同鮮味，而且魚皮煎到有少少脆口，好啱啱好。另外配魚嘅醬汁用左青醬菠菜汁，令到魚肉更加入味！⏩️ 墨汁意粉 伴牛油香煎北海道帶子用黑色嘅墨汁製成嘅意大利麵條，外觀好吸睛，同帶子嘅白色形成咗鮮明對比。呢種帶子嘅肉質非常彈牙，而且好滑嫩，用牛油輕輕煎過真係帶出左個鮮甜味，令呢個菜嘅味道更加豐富。雖然食既時候可能牙同嘴都會染黑左，但咁好食就不顧形象啦，推薦大家試下呢道菜。⏩️ 濃縮咖啡湯力汽水Espresso Tonic⏩️雜莓雪葩冰沙 Mixed Berries Sorbet Smoothie餐廳出名出精品咖啡同選用優質咖啡豆，自然唔可以錯過佢既咖啡飲品。點咗一杯Espresso Tonic，第一口就感受到咖啡同汽水嘅味道完美地融合在一齊。咖啡帶嚟濃郁咖啡香氣同微微苦澀味，再混合汽水嘅氣泡喺口入面跳動，酸酸甜甜令味蕾感到非常新鮮清新。另外，Smoothie入面雜莓一飲就知真材實料新鮮榨出嚟，因為飲落食到少少果肉/渣，完全唔係落a
⏩️香煎鱸魚柳配沙律
香煎鱸魚柳配沙律
5 views
0 likes
0 comments
呢款鱸魚柳魚肉好鮮嫩一啲都唔腥，煎嘅時候唔會太耐，魚肉仲保留住啲汁水同鮮味，而且魚皮煎到有少少脆口，好啱啱好。另外配魚嘅醬汁用左青醬菠菜汁，令到魚肉更加入味！
⏩️ 墨汁意粉 伴牛油香煎北海道帶子
墨汁意粉 伴牛油香煎北海道帶子
6 views
0 likes
0 comments
用黑色嘅墨汁製成嘅意大利麵條，外觀好吸睛，同帶子嘅白色形成咗鮮明對比。呢種帶子嘅肉質非常彈牙，而且好滑嫩，用牛油輕輕煎過真係帶出左個鮮甜味，令呢個菜嘅味道更加豐富。雖然食既時候可能牙同嘴都會染黑左，但咁好食就不顧形象啦，推薦大家試下呢道菜。
⏩️ 濃縮咖啡湯力汽水Espresso Tonic
⏩️雜莓雪葩冰沙 Mixed Berries Sorbet Smoothie
7 views
0 likes
0 comments
餐廳出名出精品咖啡同選用優質咖啡豆，自然唔可以錯過佢既咖啡飲品。點咗一杯Espresso Tonic，第一口就感受到咖啡同汽水嘅味道完美地融合在一齊。咖啡帶嚟濃郁咖啡香氣同微微苦澀味，再混合汽水嘅氣泡喺口入面跳動，酸酸甜甜令味蕾感到非常新鮮清新。另外，Smoothie入面雜莓一飲就知真材實料新鮮榨出嚟，因為飲落食到少少果肉/渣，完全唔係落artificial味素調出嚟，消暑一流既飲品！
⏩️ 焦糖爆谷牛角窩夫 (跟餐+$58)
⏩️ 抹茶紅豆牛角窩夫
牛角窩夫
1 views
0 likes
0 comments
第一眼見到佢menu就被佢嘅大熱牛角窩夫吸引左，見跟餐有得揀即刻order。牛角窩夫熱壓之後依然保持到非常有層次既酥脆口感，曾經食過熱壓完之後全份窩夫硬左扁左，所以呢度整既牛角窩夫好滿意。另外佢同抹茶/焦糖嘅香味好搭配，食到停唔到！
主要喺港島開分店既CoCo Espresso 開到去新界，各位新界牛朋友一定要去試下！
咖啡豆
1 views
0 likes
0 comments
Post
