Knockbox Coffee Company (Closed)

Panama, Finca Deborah, Geisha, Amber Synchro $110今次由冠軍級人馬 Laughing 負責沖煮呢壺巴拿馬藝技，乾香已經聞到好甜，係蜜甜嗰種，濕香就濃烈嘅茉莉花香，飲落首先係柑橘嘅酸甜，配合伯爵茶嗰種香料感。放耐左開始有種香甜味，唔太識形容，估計就係 tasting note 上面寫嘅 cream soda 吧。灣仔嘅 KB layout 設計用左好似日本壽司店嗰種，一個大圈圈圍住咖啡師，拉近與客人之間嘅距離，同時亦方便同客人介紹各種咖啡嘅特性、processing 嘅特色，甚至係莊園嘅不同，又會將沖煮器具放到你面前，面對面沖俾你睇，貫轍“KB Coffee Experience”嘅理念。💓 好鍾意呢種體驗 💓當然如果三兩知己，想靜靜自己傾下計，都可以選擇坐窗邊嘅獨立枱。另外，個個都打卡嘅窗口，其實係用左品咖啡成日會用到嘅風味輪嘅顏色，亦係新店“Colors of Coffee”嘅概念。下次去打卡就可以多少少感受下啦。