1⃣️香濃開心果（$660）
一打開個盒已經覺得好靚😍面頭既cream好平滑，上面鋪滿左唔同既莓同埋馬卡龍🤤個蛋糕買左20cm既，其實比我想像中大，因為佢都幾高下🙈覺得應該夠8-10個人分，我地6個人分每個人都食得好飽😂（最尾果幅相我果份蛋糕已經食左超過一半先影，仲有咁大份🙈） 戚風蛋糕一切落去果下已經feel到，好鬆軟！食落口開心果味唔算好好好突出，但係中間食到啲開心果碎，好正🥰仲有馬卡龍食，甜品控表示大滿足！個蛋糕唔係好多layer果種，但係戚風蛋糕既質感好夠！夠鬆軟夠濕潤，雖然我地每個人都食左好大份，但係唔會有種好濟或者好乾既感覺。 面頭既cream好滑，而且好香，完全冇果種油油地既味同感覺。而且個人覺得啲cream係成個蛋糕開心果味最濃既part😚啲cream同啲蛋糕一齊食開心果味超濃！鬆軟既蛋糕質地加幼滑奶香既cream，真係冇得輸！
