富山麵家

Open Now

Now Closed

富山麵家🍜定期會轉唔同嘅卡通主題，今次終於都到我最愛嘅鬆弛熊啦！全間舖頭大部份都係粉紅色，好粉紅！好可愛！雖然舖頭唔係好大間，但係每一個角落都有鬆弛熊公仔圖案，影相打卡都幾靚。連飲水嘅杯都鬆弛熊，一啲都唔馬虎。特製黑醬油拉麵每碗拉麵都有印有鬆弛熊公仔魚蛋，又睇得又食得！有豬軟骨又有叉燒，豬軟骨入晒味夠晒淋！特製沾麵（味噌湯）味噌湯，湯非常濃郁，拉麵又彈牙！炸雞拼章魚燒 炸雞，估唔到有幾好食喎，一D都唔乾身，加埋士多啤梨醬，好味！百香果梳打士多啤梨梳打百香果好香又唔係太甜，超級解渴！最後加$68，仲可以換鬆弛熊購物袋！當然唔執輸，要換返個啦！