Running 燒 (Closed)

好耐無食過韓燒，真係好掛住，難得老婆今晚有興致，當然要把握機會啦！而最佳選擇就緊係任食放題，樣樣都可以食到，加上飲品自助，價錢亦相對化算一點。這家採用點菜紙都唔錯，感覺上食物較為新鮮。加上環境一D都唔侷促，好舒服。水冷麵：冷麵好有口感少許彈牙，湯底微微酸剛好，想不到主推燒烤，但其他食物質素都唔錯。噴火炸雞：辣味十足，好辣的我好滿意。厚切豬腩肉：果然厚切係唔同些，燒好的豬肉，肉汁唔會流失，仲好有口感同豬味濃。雞翼：有少許調味，好味，重點係店舖好細心，切成單⻣雞翼，燒同食都好方便。帶子扇貝：雖然燒耐一點，但勝在鮮甜。鯖魚：雖然細細件，鹹鹹地，肉質新鮮彈牙。羊脾肉：嫩滑，唔羶但有羊味。