最近去咗沙田 🚇 一間超高質嘅壽喜燒 🍲 / 涮涮鍋/燒肉店「有田牛」，入面裝修簡約得嚟又帶點和風 🪑 雅致，木質傢俱同柔和燈光 💡 營造出一個好舒服 🌿 嘅用餐氛圍。
佢哋係日本 🇯🇵 宮崎農場，引入咗多次榮獲內閣總理大臣獎 🏆 嘅A5黑毛和牛「有田牛」🐮，所以餐廳都係叫呢個名。佢哋獨家將原隻A5和牛 ✈️ 直送到香港，省卻咗中間好多成本 💰，所以定價幾乎貼近日本當地 🎌 嘅售價，性價比真係幾高 👍！
1
今次我就揀咗😆「一人壽喜燒定食（120g西冷）」，個餐一上枱，🤩見到嗰碟西冷和牛嘅油花分佈真係幾靚 ✨。
呢度採取💪自助形式，我係個鍋度輕輕煎香 🥢 和牛，鎖住肉汁 💦，然後再倒入特製嘅關西風壽喜燒汁。當牛肉喺熱騰騰 🔥 嘅壽喜燒汁入面輕輕一涮，轉眼間就變咗誘人嘅粉紅色 🥰，夾起一塊沾上生蛋汁 🥚 再放入口，嗰種入口即溶 🤤 嘅感覺，牛脂嘅甘香同壽喜燒汁嘅甜味完美結合 💫，真係令人好滿足 😌！
定食仲配有新鮮蔬菜 🥬 同埋香噴噴嘅白飯 🍚。食完和牛，再將蔬菜放入壽喜燒汁度煮 🔥，吸晒和牛嘅精華 😍 同壽喜燒汁嘅甜味，清甜又解膩 🌿。
