8號茶居 (順發樓) (Closed)

💖8號茶居嘅價錢同食物質素不嬲唔錯，近排發現佢地係元朗開左第二間分店👏🏻，就係元朗廣場隔離，附近就係巴士站，位置幾方便。1⃣️8號蝦餃皇👑 $19💖好大粒足料！外皮薄滑，入面好大舊蝦，咬落飽滿🦷～2⃣️鮑汁豬手🐷 $36💖燉得軟爛香口🤤，食落滿滿骨膠原，筋位爽口彈牙。3⃣️五柳炸雲吞🥟 $26💖每次黎都食🤣，外皮炸得好香脆但又唔會好油，入面嘅蝦肉口感幾爽，配上帶微辣嘅茄汁🥫更提味。4⃣️木魚燒汁茄子🍆 $25💖大大塊煮得熱辣辣又軟，仲有淡淡嘅魚鮮香味🐟。燒汁味道濃郁，配上鹹香嘅木魚絲口感豐富。5⃣️箭豬紫薯包🍠 $24💖推薦！個外表已經贏曬，好得意🤩！入面嘅紫薯餡香得黎唔假甜，feel到係真材實料嘅。6⃣️鴛鴦鮮蝦網米腸🦐 $35💖又係我黎佢地呢度每次嘅必點，出面滑入面脆，仲裹住啲鮮蝦。7⃣️養顏紅棗糕🟤 $24💖厚厚一件，口感粘稠但唔黐牙，香甜但輕盈嘅甜品～💖茶位🍵$5一位，而且全日唔使加一，抵食！座位💺幾闊落，上菜快手。