丼瀛 (Moved) New Location

又係每月一日本嘢嘅時候，男友洨盡腦汁搵到呢間價錢唔貴嘅日本菜滿足我嘅慾望😂串燒牛燒得唔會乾身，保留到肉汁之餘仲肉質仲幾嫩口，高質！三文魚籽帆立貝一上菜已經比佢大大粒嘅三文魚籽吸引！加埋大大隻又彈牙嘅帆立貝一齊食落口，口感一流！松葉蟹腳燒雖然餐廳好細心附上咗剪刀，但其實 蟹殼本身亦好軟身易剝， 肉質鮮甜彈牙之餘仲唔黐殼👏🏻刺身拼盤拼盤入面有池魚、海膽、三文魚同元貝， 一次過滿足曬幾個刺身嘅願望！ 海膽好鮮甜入口即溶，池魚同三文魚 肉質鮮嫩，而且一啲都唔腥！香桃蟹籽沙律桃肉好鮮甜， 而蘋果絲代替咗傳統嘅生菜， 味道同口感 都相當有驚喜，加埋充料嘅蟹子，成個沙律好清新解膩！