Prince Fusion Quality Kitchen

母親大人不太能吃辣但特喜歡吃Naan，就專程去太子廚房試試，週日1:45pm大約有一半枱有客，環境乾淨坐得幾舒服，餐牌有午市套餐，選擇甚多：有不同嘅咖喱可選配烤餅/飯/煎餅、沙律、pizza、意大利飯或意粉、甚至有燒排骨或牛扒，各食品都好吸引。
最後我哋選咗咖喱羊配Naan及泰式魚柳沙律，套餐送蘑菇湯及飲品，飲品我哋選了印度奶茶及凍檸水。
蘑菇湯雖沒有忌廉但菇味濃郁，感覺比較清爽好味！
咖喱羊同Naan用心形碟裝住，配有薯仔同椰菜，見到已經好想食，烤餅熱辣辣咖喱味濃郁，辣度可能未夠正宗但感覺好啱香港人口味！
之後泰式魚柳沙律上枱，旁邊食客馬上話好靚，好適合打卡喎！當然我已經做咗，之後食落去真係好清新，酸酸辣辣好啱我口味！估唔到嘅係啲魚柳又幾滑喎！阿媽都話好食仲食咗唔少！
檸檬水就正正常常，印度奶茶都算中上但感覺不及旁邊另一家印度菜香滑。
整體上非常滿意

咖喱羊配Naan

泰式魚柳沙律

凍檸水及印度奶茶

2

畢竟佢係fusion菜有較多嘅選擇而且味道好啱我哋，下次我哋一定會試佢嘅Pizza，因為好多款式同好吸引。