地方唔難搵，地鐵站一上去TOP就到！
位置亦都好闊落！
2
我哋見到餐牌有半價咁抵，叫最貴嗰個餐都唔肉赤！
飲品櫃亦都有大家喜歡嘅無糖飲品🍸
見到塊和牛西冷真係超級引，肥瘦均勻之餘，仲要入口即溶！另外其他嘅A4和牛就睇相都覺得吸引🤩我個人就覺得三角腩位係最正，肉味好出
另外仲有個鮑魚，鰻魚同西京燒嘅拼盤！
啲魚都好新鮮，我覺得個西京燒醃製嘅醬汁好啱我口味，甜甜地唔需要再點額外嘅醬汁！
後尾再叫咗啲牛舌雞翼同埋生菜！
蔬菜我覺得最出色嘅係個粟米😂😂😂又甜又大粒
人均四百幾蚊就食到咁高質素嘅任食日式燒肉放題，其次就係坐得好舒服，上菜亦都好快，如果朋友聚會嘅話都推薦呀！
