今次揀咗位於旺角嘅神戶屋。
嘢食選擇好足夠, 刺身 壽司 熱食 等等都有,仲有打邊爐可以揀
坐低仲有少少前菜俾你食住先 好貼❤
刺身方面都算新鮮, 我覺得帶子係最好食, 鮮甜無雪味
天婦羅都夠脆, 炸漿都比一般放題薄啲, 款式都唔少。
卷物都係呢度另一特色, 提供嘅款式唔係出面食到, 不過佢比較大件, 如果想試多啲嘢就唔好叫咁多件
灸燒三文魚壽司都係推介的, 燒得好香, 半生熟咁, 口感一流。
個火鍋一上真係有啲嚇親,保守估計一磅牛走唔甩
, 而且啲牛肉唔會話好硬, 咁我地揀咗壽喜燒湯, 牛肉索咗啲汁係幾好食。 
飲品方面真係好多選擇, 實有你想要嘅嘢
呢個價錢嚟講, 算係高cp值,而且職員都會主動問有無漏單咁, 服務好好
