覺得好靚好打卡able想去好耐！
今次終於去食！！！
餐廳環境好靚好舒服，而且仲好闊落好好坐～
💓粉紅夢幻套餐💓 $388
- 粉紅牛乳玫瑰鍋
- 粉紅墨魚滑
- 粉紅薔薇（缽仔糕）
見到menu就比呢個pink pink set吸引咗！
兩粒玫瑰花飄浮喺粉紅色湯底上真係好fancy，仲有好多木瓜喺入面，飲落有淡淡牛奶鮮味～
墨魚滑好彈牙爽口，幾好食！
甜品係紅豆砵仔糕，又係靚靚嘅粉紅玫瑰花造型，食得又睇得～
✨太極兩儀 $428
兩款肉分別係：紅酒浸安格斯牛、黑松露牛乳浸梅花豬肉片
兩款肉嘅肉質不錯，酒味牛幾特別～
✨七色丸 $108
面頭每一款唔同顏色有唔同味道！！
用我嘅金舌頭試到食到蝦醬、黑松露、鹹蛋黃、泰式辣味等等！
每一粒食落都好有驚喜，好好玩🤣
✨天倫鍋心 $98
點心打邊爐真係第一次試～
有白兔仔蝦餃、奶黃南瓜包、燒賣等等，建議唔好淥太耐，如果唔係就好容易斷淥到散晒～
✨皮蛋蝦滑 $108
要將半粒皮蛋同埋蝦滑篤爛同攪勻，皮蛋蛋黃嘅香氣同彈牙嘅蝦滑呢個組合出奇地好夾好好味！
✨即炸魚皮 $58
好香脆！就咁食已經好好食，將佢放入湯底淥5-10秒再食，索咗啲湯汁又係另外一種風味～
✨黃金鬼五馬六 $88
炸鹹蛋黃+蝦+墨魚滑，超級脆口、香氣十足，推薦！！
✨琥珀誘惑 $88
杯中嘅玫瑰花係番石榴冰～
再倒入奇異果、橙、菠蘿汁，成杯嘢飲好fresh好清新！
✨花月豪庭
呢款嘢飲好靚好打卡able，睇落勁似甜品！
面頭係卷蛋包住一粒炙燒過嘅棉花糖，仲有哈密瓜、藍莓、奇異果
下面嗰杯係藍莓+蘋果嘅牛奶，飲落有啲似果味乳酪～
