濟州燒肉食堂

Open Now

Now Closed

今日過開嚟德福做嘢，又想食下韓燒，諗起有間濟州燒肉食堂都幾好食，就同同事再次encore。 店員先送上前菜，有酸蘿蔔、泡菜、芽菜、菠菜，如果加$40 就可以成檯任添前菜。 最欣賞可以無限量添加泡菜蛋同埋芝士🧀。 而且呢度個抽風系統都好好，唔會食完成身一陣味。 和牛牛五花：和牛牛五花肉質都好稔，油脂均勻，牛味濃郁。 牛胸肉：牛胸肉較少脂肪，肉味濃郁。 安格斯牛外裙肉：外裙肉多脂肪，肉質軟嫩多汁，並且呈現出美妙的口感和風味。肉質非常嫩滑，睇見啲油花已經知一定好好味，油脂入口有溶化嘅感覺，真係好正🤤🤤，唔需要加任何調味料已經好好味。 濟州黑毛豬梅花肉：梅花肉鮮嫩多汁，油花比例豐富，口感滑溜。 一級五花肉：五花肉肉質柔軟，肉味香濃，五花肉肥瘦適中，燒一燒油香更加突出！ 一口鱈魚肉：鱈魚肉肉質紮實，口感夠嫩。 蘋果梨汁雞肉：雞肉有淡淡嘅蘋果梨汁果香味，雞肉吸收晒啲果香味，而且雞肉亦非常嫩滑。 黑米冷麵：冷麵夠晒冰凍，簡簡單單配青瓜絲、蘿蔔絲同雞蛋已經好好味，食完燒肉比較重口味，食個冷麵感覺更加清新。 荔枝梳打＆濟州特飲：梳打好大杯，啱晒一邊食韓燒一邊解渴。