一八六一廚房 (Closed)

💋招牌手打牛肉漢堡，呢間店好多都係即叫即做，包括呢個漢堡，佢即場係你面前將漢堡拎入焗爐焗，雖然等待需時，但絕對值得，拎到回家都保持到鬆脆的口感，而店員都好細心咁介紹呢度的包係無落豬油同糖等，純素，食都食到好安心，唔怕會肥，哈，而佢個牛肉又不得不讚，厚度足夠之餘，仲食到好重牛肉味，比M記的好太多，配埋炒過的洋蔥及茄醬，酸酸地，好好味。💋All day Breakfast，呢個配料好豐富，包括有炒蛋，火腿，茄汁豆，腸仔，煙三文魚,牛角包及薯餅等，首先要提一提炒蛋，睇上去已經覺得好吸引，拎到回家都仲保持到滑蛋的狀態，好正，而薯餅食落好足炓，炸得好脆身，牛角包口感鬆軟，牛油味好香，最後想講佢個三文魚擺盤好有特色，呈現玫瑰花的形狀，畫面真美，而味道唔會太鹹，配埋牛角包一齊食好正。💋芝士磨菇釀雞翼及糯米釀雞翼，佢D雞翼好貼心地先拆骨，釀左D餡料落去，首先講下芝士磨菇味，佢呢個芝士好足料，又能做到拉絲的效果，配埋磨菇，層次豐富，而糯米就食落好煙煙韌韌，配埋雞翼食，口感一流。