老百姓火鍋刺身 (Closed)

話咁快就快轉秋天，係打邊爐季節阿喂～同朋友好耐無出深水埗行黃金啦，行完就同朋友搵左間打邊爐去食番餐，叫做老百姓刺身火鍋，雖然地方比較偏僻，但賣點係高質火鍋。出去打咁多年邊爐，呢個妙計錦囊湯（原隻豬肚包雞湯）$288真係第一次食到。係原隻豬肚包雞湯，真係用個豬雞包住隻雞，頭湯帶有豬肚和雞清甜味，少少胡椒仲好暖胃，好特別呢！店員仲幫忙剪開豬肚和雞肉嚟食，雞肉嫩滑。叫左份頂級安格斯牛頸脊（細）$238，雖然係貴少少，但真係完全值得，份量一啲都唔小。牛頸脊肉質幾唔錯，d雪花靚，只需放在鍋內數秒便可以吃，入口即溶。我最喜歡入口彈牙桂花蚌$158，桂花蚌預期地爽口，肉質結實中帶點彈牙，勁鮮甜。脆爽鮮甜的口感，大口大口吃超滿足的，但記得不要煮太耐， 否則會變韌就唔好食架啦。枝竹$28都唔錯，索哂Ｄ湯汁。竹蔗茅根$68係打邊爐清熱氣首選，真心推介，因為佢嘅甜度岩岩好，清甜滋潤。一共係九幾蚊2個人，食到咁新鮮高質嘅食材，晚市邊爐黎講算是划算！