吞POT 雞煲火鍋.住家菜 (山林道) (Closed)

呢間係我食過之中算係好高質好高質嘅雞煲！！！同男朋友仔去開佐敦，想食餐好嘅慶祝週年記念日，我話要食餐好嘅，要食好多好多好嘢！於是男朋友仔打開openrice，search到呢間，見有好多款唔到嘅雞煲，又有得打邊爐，就大步去試下lu！一去到山林道嘅個座大廈就覺得佢好有日本風，應該係興建咗唔係好耐嘅大廈嚟！大堂同內站裝潢都好新好靚！感覺已經好好，去到餐廳個層見到佢嘅裝修都好特別，有啲啲個人風，整體感覺好開楊，好舒服，又有房仔同長枱，好啱朋友聚會！我哋試咗花膠雞煲，牛柳粒同芝士響鈴！！三樣食品都超級高質！花膠雞煲好足料！我哋只係叫咗半隻，已經有好多好多花膠！佢個湯絕對係老火湯，好滋潤，好甜，唔會好似其他餐廳啲味精湯咁愈喝愈渴，相反佢愈喝愈有幸福感牛柳粒好新鮮，好有肉味，雖然有少少貴，係肉質係絕對有保證嘅！最後不得不介紹嘅係佢嘅芝士響鈴！！！超級好味！佢係餐廳自製嘅，新鮮炸起，所以非常脆卜卜，加上有濃郁嘅芝士夾咗係入面，滿足感爆燈！鍾意食芝士嘅，一定一定要試啊！