鉄人大盛 (Closed)

呢間尖沙咀新開既日式放題店最與別不同既就應該係佢地係最香港首間主打鐵板燒既放題店。又可以一路睇住師傅整鐵板燒，一邊食住魚生等既放題食物，真係暫時黎講應該得呢間做到。🔽一入到去舖頭見到地方都幾大，枱與枱之間既距離好闊，夠晒兩個人同時行過。雖然唔係所有枱都係有鐵板燒枱，但啲位都幾好坐同坐得舒服既，我地坐卡位，好夠私隱度，同朋友傾計都可以自在啲。鐵板燒既枱都group埋係另一邊，有師傅係客人面前炒啲食物，係味覺同視覺上既享受。🔽服務方面店員都好有禮貌，落單汁碟上食物都幾快手，坐低無耐就上左盤魚生拼盤俾我地，亦有提我地幾時last order ,同埋成晚除左個一口牛之外都無漏單既情況，感覺上服務呢方面都做得幾足幾好，對得住個價錢，應該係有提醒過要做好啲服務既。🔽食物方面，對比起其他市面上一啲出名啲既放題店黎講，呢度既選擇算唔上多，但個人就覺得佢地貴精不貴多，好主要做好餐牌上有既食物，所以食物質素都唔錯幾有水準，個人就覺得咁樣好過咩都有但又唔太好食，我較prefer呢樣做法。🔽呢一餐有幾樣食物係我覺得好出色，一定要encore返幾次既：✅燒鰻魚：好肥美大件，燒得好juicy油份又夠，好好食。✅燒