Video
Read full review
2021-08-11
76 views
一直都好鍾意食魚生🍣同生蠔🦪，不過自從疫情之後就食少左好多😐要係香港食生蠔並唔難，好多西餐廳🍽都有供應可以食得到，不過以生蠔作為主打既餐廳其實就無乜幾多間🤔.最近就到訪左上環一間新開既蠔吧，其實佢地只係由同區樂古道舊店移師過黎海味街呢邊，舊店本來係區內就已經略有名氣，就連林俊傑都係佢地IG既followers之一，不過有無去幫襯過就真係不得而知啦😆.另外都想講下佢地門口位既壁畫🖼非常有趣，外面睇係一個女仔👩🏻裝緊入面既情況，而裡面睇就係餐廳對於逝去既美國著名廚師Anthony Bourdain👨🏻🍳致敬，牆壁上更寫上佢既名言 “ People confuse me. Food doesn’t. “，係呢間蠔吧想帶俾客人既訊息，佢地希望黎到既每一位客人只會專注係食野🍴而唔會俾其他野影響，係幾特別既設計🙆🏻♀️****************************** ✨Black Cottage Sauvignon Blanc 2018/2019🥂($48)白酒🍾係食海鮮🦞時不可或缺既元素，呢款白酒既味道唔太甜，可以中和返蠔既味道個人認為入口幾清爽，飲落有少少🤏🏻微醺既感覺☺️，葡萄🍇
一直都好鍾意食魚生🍣同生蠔🦪，不過自從疫情之後就食少左好多😐要係香港食生蠔並唔難，好多西餐廳🍽都有供應可以食得到，不過以生蠔作為主打既餐廳其實就無乜幾多間🤔
.
最近就到訪左上環一間新開既蠔吧，其實佢地只係由同區樂古道舊店移師過黎海味街呢邊，舊店本來係區內就已經略有名氣，就連林俊傑都係佢地IG既followers之一，不過有無去幫襯過就真係不得而知啦😆
.
另外都想講下佢地門口位既壁畫🖼非常有趣，外面睇係一個女仔👩🏻裝緊入面既情況，而裡面睇就係餐廳對於逝去既美國著名廚師Anthony Bourdain👨🏻🍳致敬，牆壁上更寫上佢既名言 “ People confuse me. Food doesn’t. “，係呢間蠔吧想帶俾客人既訊息，佢地希望黎到既每一位客人只會專注係食野🍴而唔會俾其他野影響，係幾特別既設計🙆🏻♀️
******************************
✨Black Cottage Sauvignon Blanc 2018/2019🥂($48)
白酒🍾係食海鮮🦞時不可或缺既元素，呢款白酒既味道唔太甜，可以中和返蠔既味道
個人認為入口幾清爽，飲落有少少🤏🏻微醺既感覺☺️，葡萄🍇既味道夠突出但唔會好澀，對女仔黎講佢唔會太難入口🤗
-
✨原味生蠔🦪 ($378/6pcs)
呢日蠔吧供應左Boomer Bay、Pattedoie、Sentinelle、Dooriel、Ostra Regal同Gillardeau六款由淡味到濃味既生蠔，個人認為最正既係黎自愛爾蘭既Dooriel同頂級生蠔Gillardeau，前者肥美飽滿，肉質結實，鮮甜得黎帶有生蠔獨有既鐵鏽味道但唔會太強烈；後者入口時嘗到既海水味🌊會較為柔和，蠔味香濃帶鮮兼帶有榛果🌰味道，而且餘韻係六款生蠔之中最為持久，停留係口腔內既味道好強😍
-
✨香煎銀鱈魚配酸忌廉汁、海蘆筍、飛魚子、薯蓉🐟 ($298)
銀鱈魚柳新鮮，食既時候可以一片片咁甩出黎，肉質結實帶有鮮味，加埋酸忌廉汁同飛魚子，好有食緊花之戀壽司既感覺😝
薯仔🥔口感綿密之餘不失原始口感，食得出天然薯仔濃味並無添加額外調味🙆🏻♀️
-
✨夏季蔬菜燴意大利飯🥬 ($188)
呢客燴意大利飯芝士味道🧀香濃中帶點蔬菜既鮮味🥬，意大利飯🍚口感正宗，食落去煙煙韌韌，加上西蘭花苗🥦非常鮮嫩，整體黎講真係好清新，好有夏季既感覺🥰
-
✨自家製意大利芝士餅🍮 ($68)
Tiramisu既cream係蠔吧自家研製，口感好似泡沫☁️咁入口即溶非常輕盈，比傳統既tiramisu會無咁膩😋
手指餅浸到好腍，酒味🥃都幾濃郁，不過個人略嫌濕潤左少少🤏🏻******************************
👧🏻人均消費：$520 (另+10%服務費)
😋味道指數：4/5
💰抵食指數：3/5
🪑環境指數：4/5
💁🏻♀️服務指數：4.2/5
👍🏻再訪指數：3.8/5
-
📍八蠔吧
地址：上環文咸西街52號地舖
⏰營業時間：不詳❓
Post
