王牌冰室 (南豐紗廠) (Closed)

今日同朋友去左文青好去處既荃灣南豐紗廠，四圍行見到呢間冰室都幾多人食，就試下啦。入面都好多卡位，六人大卡位亦有，可以成班朋友黎食都無問題。睇睇餐牌，選擇都非常多，依家外賣自取仲有8折優惠，好抵。王牌特濃沙嗲牛肉麵湯底確實有好香濃既沙嗲味，係我食過最濃郁，有花生香，我地加左4蚊轉福字麵，吸曬沙嗲汁，牛肉份量亦非常多，正。跟餐配既炒蛋蛋味香濃，炒得剛剛好，加埋蒜蓉多士，食完勁飽。椒鹽炸雞脾雞脾勁大隻，脆卜卜，肉質鮮嫩，一咬開滴曬d肉汁出黎，唔會乾，雞脾有醃製過，味道剛剛好，再配埋都係即炸既薯條，勁邪惡。流心芝士西多第一次食芝士西多，仲要係流心，新鮮即炸，芝士同西多估唔到係咁夾，一定要叫！飲品方面除左有特飲，仲可以去隔離鋪頭叫入黎飲，揀左黃金奶蓋東方美人茶，芝士奶蓋夠芝士味，亦夠厚，入面仲有粒粒蛋黃微粒，有驚喜。另外果杯就叫左冰燉雙柚觀音王，類似水果茶，唔會好甜，感覺好清新，好大杯，跟餐叫加18蚊都幾抵飲。